జనసేన పార్టీలో చేరికలు... కండువాలు కప్పి జనసేనలోకి ఆహ్వానించిన ఇంచార్జ్ బూరగడ్డ శ్రీకాంత్

Updated on: 2025-08-14 16:04:00

గుడివాడ 21 వ వార్డు మందపాడులోని వివిధ పార్టీలకు చెందిన 40 మంది కార్యకర్తలు కోలవెన్ను కొండలరావు, సాయినాథ్ కృష్ణార్జున రావు, కాండ్రు రవీంద్రలు గురువారం జనసేన పార్టీలో చేరారు. వారికి గుడివాడ జనసేన ఇంచార్జ్ బూరగడ్డ శ్రీకాంత్ జనసేన కండువా కప్పి పార్టీలోకి ఆహ్వానించారు. పేద బడుగు బలహీన వర్గాల కోసం పార్టీ స్థాపించి వారి అభ్యున్నతికి కృషి చేస్తున్న పవన్ కళ్యాణ్ ఆశయాలకు ఆకర్షితులై పెద్ద ఎత్తున జనసేన పార్టీలో ఎస్సీ ఎస్టీ బీసీలు చేరుతున్నారని బూరగడ్డ శ్రీకాంత్ అన్నారు. ఈ కార్యక్రమంలో జనసేన పార్టీ పట్టణ అధ్యక్షుడు మజ్జి శ్రీనివాస్, కార్యదర్శి సాయిన రాజేష్, ఉపాధ్యక్షుడు వేమూరు త్రినాథ్, మైనార్టీ నాయకులు షరీఫ్ తదితరులు పాల్గొన్నారు.